Yuxarı

​"Heydər" məscidinə namaz qılmağa gələn gənclər maarifləndirilir

Hacı Sabir Həsənli: Gənclərə deyirik ki, dağılıb parçalansanız uduzacaqsınız

Bakı. 12 fevral. REPORT.AZ/ "Heydər" məscidinə namaz qılmağa gələn insanlara, xüsusilə gənclərə bütün möizələrdə maarifləndirici məlumatlar verilir, vətəni sevməklə bağlı ayələr, hədislər oxunur, Məhəmməd peyğəmbərin (ə.s.) kəlamları yada salınır".

Bunu "Report"a açıqlamasında "Heydər" Məscidi Kompleksi İdarəsinin sədri hacı Sabir Həsənli bildirib.

O bildirib ki, möizələrdə gənclərə dağılmamaları, bir-birindən ayrılmamaları ilə bağlı tövsiyələr olunur: "Gənclərlə bağlı mövqeyimiz budur ki, dağılmasınlar. Onlara deyirik ki, dağılıb-parçalansanız uduzacaqsınız. Məscidə namaz qılmağa gələn gənclərin sayı günbəgün artır. Bu, həm İslam maarifçiliyinə meylin artması, həm də İslam maarifçiliyinin düzgün prinsiplər əsasında qoyulması ilə bağlıdır. Əgər məsciddə təfriqə yaradan bir möizə olmuş olsa, gənclər o dəqiqə məscidi tərk edər və gəlməzlər. Amma günbəgün namaz qılanların sayının artması, gənclərin bura daha çox toplanması ona dəlalət edir ki, biz haqq yolundayıq". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi