Zelenski Kuçmanı Donbas üzrə əlaqə qrupunda Ukraynanın nümayəndəsi təyin edib

Prezident Vladimir Zelenski sabiq dövlət başçısı Leonid Kuçmanı Donbas münaqişəsinin nizamlanması üzrə əlaqə qrupunda Ukraynanın nümayəndəsi təyin edib.

Bu barədə "Report" Ukrayna KİV-inə istinadən xəbər verir.

V.Zelenski Kiyevdə keçirilən brifinqdə Kuçmanın rəhbərlik edəcəyi əlaqə qrupunun iyunun 5-də Minskdə növbəti iclasa qatılacağını qeyd edib.

Prezident bildirib ki, rəsmi Kiyevin Donbas münaqişəsinin nizamlanması üzrə konkret təklifləri və yeni həll yolları var.