Yeni Kaledoniyadakı Saint-Luis qəbiləsi Fransaya etiraz olaraq məhkəmə müraciəti yayıb

Yeni Kaledoniyadakı Saint-Luis qəbiləsi Fransa hökumətinin vəhşiliklərinə etiraz əlaməti olaraq məhkəmə müraciəti yayıb.

"Report" xəbər verir ki, müraciətdə deyilir ki, 2024-cü il 13 may tarixindən, Yeni Kaledoniyadakı indiki hadisələrin başlanğıcından etibarən, Fransa bu uzaq ərazidə köhnə müstəmləkə kabusunu yenidən canlandırmağa başlayır.

"Dövlətin adanın cənubundakı Mont-Dore kommunasında yerləşən Saint-Louis qəbiləsinə münasibəti təəssüf ki, Əlcəzair müharibəsi zamanı yerli əhaliyə qarşı edilən rəftarı xatırladır. Heç bir xəcalət çəkməyən dövlət, qeyri-mütənasib güc münasibətinə baxmayaraq zərərsizləşdirilməli və susdurulmalı olan 1 200 cinayətkarla iş aparırmış kimi davranır.

Tarixinə iz qoymuş qəbiləmiz üç övladının öldürülməsinə layiq idimi? Bu gənclər, cəsarətlə siyasi ideallarını müdafiə etdikləri üçün öldürülmüşdür. Əllərində sadəcə ov tüfəngləri, daş atma alətləri, ayaqlarında sadə başmaqlar olan bu gənclər, GIGN-in (Fransa Milli Jandarması) güllələrinin altında can verdilər.

Görünür, bizim bədbəxtliyimizə görə Yeni Kaledoniya ilə Fransa arasındakı bir neçə min kilometr məsafə özünümüdafiə anlayışını Sakit okeanda öldürmək üçün lisenziyaya çevirdi", - müraciətdə qeyd edilib.

Bildirilir ki, 1981-ci ildə edam edilən müstəqillik lideri Pyer Deklerin sui-qəsdçilərinin peşman olmadıqları görünür:

"Buna görə də, dövlətin üç gənc Kanakı güllələmək üçün bu qədər vasitəni işə salmağa vadar edən səbəblərini sorğulamaq haqqımızdır. Daha da narahatedici olan isə hələ də sağ olan qəbiləmizin gənclərindən, qardaşlanın eyni aqibəti ilə üzləşməmək üçün, hakimiyyətə təslim olmalarının tələb edilməsidir. Hər kəs bilir ki, belə kiçik bir ərazidə, onlar istənilən anda yaxalanıb həbs oluna bilərlər.

Beləliklə, Saint-Luis adasında ədalət qeyri-adi sürətlə “bərpa olunmağa” çalışılır. Halbuki, hakim Claire-Marie Casanovanın dediyi kimi, "Ədalət heç vaxt zamanında yerində deyil, heç vaxt vaxtından əvvəl olmayıb, həmişə gecikməsi ilə tənqid olub". Bəs niyə qəbiləmizin hüquqi məsələlərində birdən-birə bu tələsiklik var? Bu sualın cavabı tələb olunur, çünki dövlətin bu məsələdəki həqiqi motivləri ilə bağlı şübhələrimiz var.

Əminliklə bildiyimiz tək şey budur ki, bu dövlət üçün nə hüquqa hörmət edilməsi, nə də insan həyatlarının itirilməsi onun ilahi missiyasını yerinə yetirməyinə əngəl törətmir.

Buna əmin olmaq üçün, sadəcə olaraq, bizim yollarımızda qanunsuz şəkildə dövr edən hərbi avtomobillərin sayının artmasını müşahidə etmək kifayətdir. Sanki qəbiləmizin ətrafında Sakit Okeanın Berlin divarını tədricən yüksəldirlər. Torpaqlarımız blokadaya alınıb, əhalimiz aclıq çəkir və gənclərimiz öldürülür.

Biz artıq yerli məhkəmədən heç nə gözləmirik. Ona məcburən müraciət edirik, amma onun ədalətsiz qərarları güclüləri qoruyur, zəifləri əzir və bizi anlaşılmazlığın dibinə salır.

Biz Saint-Luis qəbiləsinin, istəmədən də olsa, dövlət tərəfindən təşkil edilmiş dəhşətli bir oyunun mərkəzində olduğuna əminik. Burada qurbanlar dövlət tərəfindən təşkil olunan bir propagandanın vasitəsilə cəllad kimi təqdim edilir və beləliklə müstəmləkə nizamı qorumağa çalışırlar.

Əgər Saint-Luisdəki hazırki sistem dövlətin bütün ərazini nəzarətdə saxlama iddiası üçün bir "qəza testi" kimi təsvir edilirsə, bilsin ki, bütün bir qəbiləni şəhid etməsi bəlkə də Kanak müstəqillik arzusunu boğmaqdan daha asan olacaq.

İmza atdılar:

Eugène Décoiré - Qəbilə klan başçıları Şurasının sədri

Yohann Wamytan - Qəbilə klan başçıları Şurasının üzvü".