Yuxarı

​Yəməndə sakinlər yeganə təbii qaz terminalını nəzarətə götürüblər

Müəssisənin rəhbərliyi isə fors-major şəraitə görə istehsalın dayandırıldığını bildirib

Bakı. 14 aprel. REPORT.AZ/ Silahlı qüvvələr təslim olandan sonra Yəməndə yerli əhali ölkədəki yeganə təbii qaz terminalını öz nəzarətləri altına götürüblər.

"Report" "The Daily Star"a istinadən xəbər verir ki, bu barədə hərbi mənbələr bildirib.

Sakinlər "Balhaf" zavodunu müdafiə etmək məqsədilə nəzarətə götürüblər. Məlumata əsasən, bu terminalda Fransanın "Total" şirkətinin 40% payı var.

Müəssisənin rəhbərliyi isə "fors-major şəraitə" görə istehsalın dayandırıldığını bildirib.

Xatırladaq ki, bu gün BMT Təhlükəsizlik Şurası Yəməndəki husi qiyamçılarına silah tədarükünə embarqonun tətbiqi ilə bağlı qətnamə qəbul edəcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi