Yəməndə bir ayda mindən çox husi öldürülüb

Yəmən ordusu sentyabrda aparılan döyüş əməliyyatlarının gedişatında "Ansarulla" hərəkatının (husi-red) mindən çox döyüşçüsünü məhv etməsi haqqında bildirib.

“Report” “Anadolu” agentliyinə istinadən xəbər verir ki, bu barədə Yəmən ordusuna bağlı “26sepnews” xəbər portalı məlumat yayıb.

"Sentyabrda Yəmən ordusu 1 000-dən çox husini  məhv edib, onlardan 215-i səhra komandirləridir", - xəbərdə deyilir.

Husilər hələ bu bəyanatı şərh etməyiblər.