Bakı. 22 may. REPORT.AZ/ Yəmənin paytaxtı Sananın şərqində yerləşən Mərib şəhərinin mərkəzindəki bazarın husilər tərəfindən atəşə tutulması nəticəsində 5 nəfər ölüb, 22 nəfər yaralanıb.
Bu barədə "Report" "Al-Arabiya" telekanalına istinadən xəbər verir.
Telekanalın məlumatına görə, raket atəşinə məruz qalanların hamısı mülki şəxslərdir, ölənlər arasında bir qadın da var. Üç yaralı ağır vəziyyətdədir.