Vyetnamda hərbi təyyarə qəzaya uğrayıb, 2 pilot ölüb

Vyetnam Hərbi Hava Qüvvələrinə məxsus ikiyerlik təlim təyyarəsi məşq uçuşu zamanı mərkəzi Khanhoa əyalətində qəzaya uğrayıb.

Bu barədə "Report" TASS-a istinadən xəbər verir.

Yerli KİV-in məlumatına görə, "Yak-52" təlim təyyarəsi havada yanmağa başlayıb və yaşayış məntəqələrindən birinin yaxınlığına düşüb. Pilotlardan biri qəza zamanı, digəri isə xəstəxanada ölüb.

Qəzaya uğrayan təyyarə aviasiya məktəbinə aid olub.