Venesuelada zəlzələdən sonra 6 000-dən çox insan xilas edilib

Venesuelada iyunun 24-də baş verən dağıdıcı zəlzələdən sonra 6 000-dən çox insan xilas edilib, on minlərlə ailəyə yardım göstərilib.

"Report"un məlumatına görə, bu barədə Venesuela Milli Assambleyasının prezidenti Xorxe Rodriqes "Venezolana de Television" telekanalının efirində bildirib.

"6 461 nəfər xilas edilib və 80 870 ailəyə yardım göstərilib", - o deyib.

X.Rodriqesin sözlərinə görə, 28 380 zərərçəkən xəstəxanalarda və səhra düşərgələrində tibbi yardım alır.

O, həmçinin bildirib ki, 26 000-dən çox hərbi qulluqçu, 15 467 könüllü və 3 660 beynəlxalq xilasedici fəlakətin nəticələrinin aradan qaldırılması işlərində iştirak edir.