Venesuelada hərbi helikopter qəzaya uğrayıb, azı 16 nəfər ölüb

Bakı. 2 yanvar. REPORT.AZ/ Venesuelada Mi-17 hərbi helikopterinin qəzaya uğraması nəticəsində azı 16 nəfər ölüb. “Report” RİA Novostiyə istinadən xəbər verir ki, hələlik Venesuela hökuməti qəza ilə bağlı məlumatlara münasibət bildirməyib.

Ölkənin ACN agentliyi bildirir ki, 30 dekabrda itən hərbi helikopter bu gün tapılıb. Qəza zamanı bütün sərnişinlər və ekipaj üzvləri həlak olublar - 11 hərbçi və beş ekipaj üzvü.

Qeyd olunur ki, ölənlərin arasında dörd yaşlı uşaq da olub.