Venesuela "bləkaut"a görə neft hasilatını qismən dayandırıb

Venesuelada neft hasilatı ölkədə elektrik enerjisinin ötürülməsində baş vermiş genişmiqyaslı kəsintilər səbəbi ilə qismən dayandırılıb.

"Report" RİA "Novosti"yə istinadən xəbər verir ki, bu barədə "Bloomberg"ə Venesuela Neft Nazirliyinin yüksək vəzifəli məmuru məlumat verib.

"Sənaye milli enerji şəbəkəsinə bağlı olduğundan neft quyularının işi, eləcə də ölkənin bəzi bölgələrində hasilat dayandırılıb", - məmur deyib.

Daha əvvəl elektrik enerjisinin kəsilməsinin paytaxt Karakasın susuz və rabitəsiz qalması ilə nəticələndiyi bildirilib.

"Energy Aspects" konsaltinq şirkətinin məlumatına görə, mart ayında Venesuelada neft hasilatı gündəlik 1,1 milyon bareldən 500 min barelə qədər azalıb.