Yuxarı

Vaşinqtonda naməlum şəxs atəş açıb, ölənlər var

Atışma nəticəsində iki nəfər ölüb, 6 nəfər yaralanıb

Bakı. 18 sentyabr. REPORT.AZ/ Şənbə günü axşam Vaşinqtonun cənub-şərqində yerləşən Anakostiya/Berri Farm rayonunda keçirilən kütləvi tədbirdə baş verən atışma nəticəsində 2 nəfər ölüb, biri səkkiz yaşlı oğlan uşağı olmaqla 6 nəfər yaralanıb.

"Report" xəbər verir ki, bu barədə "Associated Press" məlumat yayıb.

Şəhər polisi rəisinin vəzifələrini icra edən Piter Nyuşemin sözlərinə görə, yaralılar arasında bir qadın da var. Hazırda onların həyatı üçün heç bir təhlükə yoxdur. Həbs olunanlar barədə məlumat verilməyib.

Yerli hakimiyyət orqanları atışmanın mübahisə səbəbindən baş verə biləcəyini ehtimal edirlər. Lakin hadisənin dəqiq motivləri məlum deyil.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi