Vanuatu sahillərində 7,3 maqnitudada zəlzələ baş verib

Sakit okeanda ada ölkəsi Vanuatu sahillərində maqnitudası 7,3 olan zəlzələ baş verib.

"Report" ABŞ Geoloji Xidmətinə istinadən xəbər verir ki, yeraltı təkanlar İsangel şəhərindən 125 km cənubda qeydə alınıb, zəlzələ ocağı 32 km dərinlikdə yerləşib.

Sunami təhlükəsi ilə bağlı xəbərdarlıq edib. Proqnozlara görə, zəlzələ Vanuatu və Yeni Kaledoniya sahilləri boyunca yeraltı təkanların episentrindən 300 km məsafədə sunami dalğalarının yaranmasına səbəb ola bilər.