Vaaqn Xaçaturyan Çexiyaya səfər edəcək

Ermənistan Prezidenti Vaaqn Xaçaturyan Çexiyaya səfər edəcək.

"Report" Ermənistan mediasına istinadən xəbər verir ki, bu barədə CTK agentliyi məlumat yayıb.

Məlumata görə, Çexiya Prezidenti Petr Pavel sentyabrın 3-də Ermənistan Prezidentini Praqa qəsrində qəbul edəcək.

İki ölkə prezidentlərinin təkbətək görüşü planlaşdırılır, ardınca geniş tərkibdə danışıqlar aparılacaq, bundan sonra isə prezidentlər mətbuat konfransı keçirəcəklər.

Səfər çərçivəsində Ermənistan Prezidenti Çexiya Senatının sədri Miloş Vıstrçil və Deputatlar Palatasının sədri Tomio Okamura ilə də görüşəcək.