ÜST: Dünyada koronavirusa yoluxanların sayı 106 minə çatır

Ümumdünya Səhiyyə Təşkilatı (ÜST) son gün ərzində dünyada 3 610 koronavirusa yoluxma halı qeydə alıb, 71 nəfər ölüb.

“Report” TASS-a istinadən xəbər verir ki, bu barədə təşkilatın xəbərində bildirilir.

Qeyd edilir ki, dünyada koronavirusa yoluxanların ümumi sayı 105 586 nəfərə çatıb.

Hazırda epidemiya dünyanın 101 ölkəsində qeydə alınıb.

Son 24 saat ərzində virus Bolqarıstan, Kosta-Rika, Moldova, Fransa Qvianası, Maldiv adaları, Malta və Farrer adalarında da aşkarlanıb.