Uqandada yanacaq avtomobilinin partlaması nəticəsində 10 nəfər ölüb

Uqandanın paytaxtı Kampalada yanacaq daşıyan avtomobilin partlaması nəticəsində azı 10 cəsəd tapılıb.

"Report"un xəbərinə görə, bu barədə "Reuters" hadisə şahidinə istinadən məlumat yayıb.

Məlumata görə, qəza paytaxtın şimal kənarındakı Kiqova şəhərində, Kampala ilə Qulu şəhərini birləşdirən yolda baş verib.

Uqanda polisinin sözçüsü Patrik Onyanqo bildirib ki, yanacaq avtomobili aşaraq partlayıb. Onun ehtimalına görə bir neçə nəfər ölüb və yaralanıb.

“X” sosial şəbəkəsində yayımlanan videoda yanacaq avtomobilinin aşdığı görünür, bəzi sakinlər yanacağı boşaltmaq üçün kanistrlərlə ona tərəf qaçırlar.

Uqandada yanacaq avtomobilinin partlaması nəticəsində 10 nəfər ölüb