Ukraynada koronaviruisdan gündəlik ölüm rekordu yenilənib

Ukraynada ötən 24 saat ərzində koronavirusa daha 19120 nəfər yoluxub, yoluxanlardan 734 nəfəri dünyasını dəyişib.

“Report” xəbər verir ki, bunu Səhiyyə Nazirliyi feysbuk səhifəsindən açıqlayıb. Bu, pandemiya dövründə Ukraynada qeydə alınan ən yüksək ölüm göstəricisidir.

Nazirliyin açıqlamasına görə, pandemiya başlayandan bu yana Ukraynada 2.803 min nəfər koronavirusa yoluxub ki, bunların 64 936 nəfəri ölüb, 2,39 milyonu da sağalıb. İndiyədək ölkədə 16 milyondan çox, o cümlədən ötən gün ərzində 255 min nəfər peyvənd olunub.