Yuxarı
    Bağlamaq

    Ukrayna prezidentinin mühafizəsi gücləndirilib

    Müxalifətin etiraz aksiyası keçirildiyi Kiyevin mərkəzində təhlükəsizlik tədbirləri gücləndirilib

    Bakı. 18 oktyabr. REPORT.AZ/ Ukraynanın hüquq-mühafizə orqanları ölkə Prezidenti Petro Poroşenkonun iqamətgahının mühafizəsini gücləndirib.

    "Report" xəbər verir ki, bu barədə Ali Radanın "Özünəyardım" fraksiyasının deputatı Viktoriya Voytsitskaya "Facebook" səhifəsində məlumat verib.

    "Müxalifətin etiraz aksiyasının keçirildiyi Kiyevin mərkəzində təhlükəsizlik tədbirlərinin gücləndirilməsi normaldı, amma daha prezident iqamətgahının qarşısına, ətrafına bu qədər insan, texnika yığmağın mənası nədir?!" - o yazıb

    Qeyd edək ki, etiraz aksiyasının iştirakçıları oktyabrın 17-də axşam Ali Radanın binası yaxınlığında çadır qurub. Buna qədər isə etirazçılar hüquq-mühafizə orqanları əməkdaşlarından maneələri alıb və onları Qruşevski və Lipski küçələrinin kəsişməsinə yerləşdirib. Aksiya iştirakçıları deputat toxunulmazlığının ləğvini, ölkədə antikorrupsiya məhkəməsinin yaradılmasını, eləcə də seçki qanunvericiliyinin dəyişdirilməsini tələb edirlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi