Ukrayna parlamenti yeni müdafiə nazirini təsdiqləyib

Ukrayna parlamentində bu gün keçirilən iclasında yeni müdafiə naziri postuna irəli sürülən namizədin məsələsinə baxılıb.

"Report"un Şərqi Avropa bürosunun məlumatına görə, qanunverici orqanın Təhlükəsizlik və müdafiə komitəsinin ötən gün namizədliyini irəli sürdüyü Aleksey Reznikov müzakirələrdən sonra nazir vəzifəsinə təsdiqlənib. Onun namizədliyinin lehinə 273 deputat səs verib.

A.Reznikov bu posta qədər Baş nazirin müavini olub. O, Azərbaycanla əlaqələr üzrə də kurator olub.

Xatırladaq ki, Andrey Taran ötən gün müdafiə naziri vəzifəsindən istefa verib.