Ukrayna MSK: Azərbaycanda keçirilən seçkilərdə Vladimir Zelenski qalibdir

Ukraynanın Mərkəzi Seçki Komissiyası bu ölkənin Azərbaycandakı Səfirliyində dünən keçirilmiş prezident seçkilərinin nəticələrini açıqlayıb.

"Report" xəbər verir ki, müvafiq göstəricilər komissiyanın saytında dərc edilib.

Seçkilərin nəticələrə əsasən prezidentliyə namizəd Vladimir Zelenski qalib olub. Belə ki, ona seçicilərin 51,50 faizi səs verib. Zelenski bununla rəqibi Petro Poroşenkonu üstələyib. Qeyd edək ki, seçicilərin sayı 233 nəfərdir.

Ukraynada prezidentliyinə namizəd Vladimir Zelenski protokolların 31,39 faizinin hesablanmasından sonra seçkilərin nəticələrinə görə rəqibi Petro Poroşenkonu demək olar 3 dəfə qabaqlayıb.