UKMTO: Oman sahillərində gəmiyə hücum edilib

Oman sahilləri yaxınlığındakı sularda tanker hücuma məruz qalıb.

"Report" xəbər verir ki, bu barədə Böyük Britaniya Hərbi Dəniz Qüvvələrinin Dəniz Ticarət Daşımalarının Koordinasiya Mərkəzi (UKMTO) məlumat yayıb.

"UKMTO Mərkəzi Xəsəb limanından (Oman) 17 dəniz mili şərqdə baş vermiş insident barədə məruzə alıb. Hörmüz boğazından çıxış istiqamətində hərəkət edən tanker üç naməlum mərmi ilə vurulub", - UKMTO-dan bildirilib.

Məlumata görə, gəmi heyətinin üzvləri xəsarət almayıblar və təhlükəsizlikdədirlər. Ətraf mühitə zərər dəyməsi barədə məlumat daxil olmayıb.

İnsidentin əlavə detalları, o cümlədən gəminin adı və qeydiyyat limanı açıqlanmayıb.