“Uber” Kolumbiyada qadağan edilib

Kolumbiya Sənaye və Ticarət Ofisi ölkədə “Uber”in fəaliyyətinin dayandırılması barədə qərar qəbul edib.

“Report” xəbər verir ki, bu barədə məlumat ofisin saytında dərc edilib.

Qeyd olunub ki, “Uber” bazarı tənzimləyən qaydaları pozur və yerli taksi operatoru “Cotech” şirkətindən müştərilərin axınına səbəb olur.

Qərar imzalandıqdan sonra qüvvəyə minib. Hazırda “Uber” Kolumbiyada xidmət göstərməyi dərhal dayandırmağa borcludur.