“Twitter”in işində nasazlıq yarandı

Dünyanın bir sıra ölkələrində “Twitter” sosial şəbəkəsinin işində nasazlıq müşahidə olunur.

“Report” xəbər verir ki, bu barədə məşhur internet resursların işini izləyən “Downdetector” xidməti məlumat yayıb.

Nasazlıqlardan daha çox ABŞ, Yaponiya, İsrail, Fransa, Böyük Britaniya, Rusiya sakinləri şikayət edirlər.

Xidmətin məlumatına görə, istifadəçilərin çox hissəsi (67%) sosial şəbəkəyə daxil ola bilmir. Daha 20% istifadəçi “iPhone” və ya “iPad” proqramlarında problemlərlə üzləşiblər. Qeyd edilir ki, istifadəçilərin 11%-i “Android” üçün proqramın işində nasazlıqlar haqqında bildiriblər.