Türkiyə ordusu İraqda PKK terrorçularını zərərsizləşdirib

Türkiyənin Milli Müdafiə Nazirliyi İraqda terrorçuların zərərsizləşdirildiyini bildirib.

“Report” xəbər verir ki, bu barədə nazirliyin sosial şəbəkədəki hesabında məlumat verilir.

Qeyd edilir ki, İraqın şimalındakı Hakurk bölgəsində antiterror əməliyyatı keçirilib. Əməliyyat zamanı 5 terrorçu məhv edilib. Silahlıların daha əvvəl terror əməliyyatına hazırlaşdıqları bildirilir.

Məlumata görə, PKK silahlıları Hərbi Hava Qüvvələri tərəfindən zərərsizləşdirilib.