Tunisdə miqrant qayığının qəzaya uğraması nəticəsində 79 nəfər ölüb

Bakı. 8 iyun. REPORT.AZ/ Tunisdə qeyri-leqal miqrantları daşıyan qayığın qəzaya uğraması nəticəsində 79 nəfər ölüb.

"Report" TASS-a istinadən xəbər verir ki, bu barədə "Mosaique FM" radiostansiyası məlumat yayıb.

Məlumatda bildirilir ki, hadisə ölkənin cənub-şərq sahillərində baş verib. Daha əvvəl Tunisin Daxili İşlər Nazirliyi 74 nəfərin cəsədinin tapıldığını bildirib. 

Hadisə yerinə gələn milli qvardiya və Hərbi Hava Qüvvələrinin bölmələri 68 miqrantı xilas edib.