Bakı. 4 iyul. REPORT.AZ/ Tunis prezidenti Bəci Kaid əs-Səbsi Sus şəhəri yaxınlığındakı kurort zonasında törədilən terror aktı ilə bağlı ölkədə fövqəladə vəziyyət elan etmək barədə qərar qəbul edib.
“Report” “Reuters”ə istinadən xəbər verir ki, prezident bunu yerli vaxtla 19.00-da televiziya ilə müraciətində rəsmi olaraq bəyan etməyə hazırlaşır.
İyunun 26-da baş verən və 40 nəfərin ölümü ilə nəticələnən terror aktına görə məsuliyyəti “İraq-Şam İslam Dövləti” terror qruplaşması öz üzərinə götürüb.