Tunis polisi yüzlərlə miqrantı həbs edib, qaçaqmalçıların qayıqlarını ələ keçirib

Tunis polisi, təyyarələr və terrorla mübarizə bölmələrinin dəstəyi ilə, Avropaya gedən miqrantların əsas çıxış nöqtəsi olan sahilyanı Sfaks bölgəsində yüzlərlə miqrantı həbs edib və qaçaqmalçıların qayıqlarını ələ keçirib.

“Report” xəbər verir ki, bu barədə “Reuters” məlumat yayıb.

Əməliyyat prezident Qais Səidin göstərişi ilə həyata keçirilib. Tunis Milli Qvardiyasının bölmələri yüzlərlə miqrantın yaşadığı evlərdə axtarış aparıb, miqrantları sahilə aparan yük maşınları və qaçaqmalçıların istifadə etdiyi qayıqları ələ keçirib.

Cebiniana, Kerkenna, Msatriya və Sfaks şəhərlərində təyyarələr, polis itləri, hərbi yük maşınları və yüzlərlə polisin iştirak etdiyi əməliyyatda bir neçə insan qaçaqmalçılığında şübhəli bilinərək saxlanılıb.