Tropik "Katya" fırtınası ABŞ-a doğru hərəkət edir

Bakı. 6 sentyabr. REPORT.AZ/ Meksika sahillərində tropik "Katya" fırtınası yaranıb.

"Report" "Associated Press"ə istinadən xəbər verir ki, o, güclü "İrma" qasırğasının ardınca hərəkət edir.

ABŞ-ın Milli Qasırğa Mərkəzi (NHC) "Katya" fırtınasının maksimal sürətiinin 65 km/saat təşkil etdiyini və növbəti iki gün ərzində daha da artacağını məlumat verib.

Qeyd edək ki, "İrma" qasırğası gücünə görə ən yüksək - beşinci kateqoriyaya aid edilib.