Tramp USMCA ticarət sazişinin ləğv edilməsindən yanadır

Vaşinqton administrasiyası ABŞ, Kanada və Meksika arasındakı ticarət sazişinin (USMCA) qüvvədən düşməsindən yanadır.

"Report" xəbər verir ki, bunu ABŞ Prezidenti Donald Tramp Evian-le-Bendən Parisə gələrkən Orli hava limanında jurnalistlərə açıqlamasında bildirib.

"Mən USMCA-nın olmamasına üstünlük verərdim. Onu imzalamamağı, qüvvədən düşməsini üstün tutardım", - amerikalı lider qeyd edib.

Onun sözlərinə görə, ABŞ-yə "bu saziş olmadan daha yaxşı olardı".

"Mən sazişin olmamasını üstün tutardım. Lakin mən onu imzalaya bilərəm", - Tramp USMCA-nın qüvvəsinin uzadılması imkanını nəzərdə tutaraq əlavə edib.