Tramp tezliklə Kim Çen Inla görüşündən danışıb

Bakı. 24 aprel. REPORT.AZ/ ABŞ prezidenti Donald Tramp tezliklə KXDR lideri Kim Çen Inla görüşündən danışıb.

"Report" xəbər verir ki, bu barədə TASS məlumat yayıb.

Məlumata görə, Ağ Ev rəhbəri bu barədə Fransa prezidenti Emmanuel Makronla görüşündən sonra bildirib.

O, qeyd edib ki, rəsmi Pxenyan görüşün mümkün qədər tez keçirilməsinə yönəldilib. Trampın sözlərinə görə, Şimali Koreya lideri hazırda açıq (ünsiyyətə - red) və ədəbli insan kimi görünür.

Daha əvvəl Ağ Evin mətbuat katibi Sara Sanders bildirib ki, nə qədər ki, Pxenyan özünün nüvə proqramından əl çəkmək istiqamətində konkret addımlara təşəbbüs etməyəcək, rəsmi Vaşinqton Koreya Xalq Demokratik Respublikası barəsində sanksiyaları ləğv etmək niyyətində deyil.