Tramp: "Silahlanmaq əvəzinə yaxşı işlər görə bilərik"

ABŞ prezidenti Donald Tramp Çin baş nazirini müavini Lyu He ilə görüşdə həm rəsmi Pekin, həm də Rusiya ilə silahlanma xərclərinin azaldılması barədə razılığa ümid etdiyini bildirib. 

"Report" "İnterfaks"a istinadən verdiyi xəbərə görə, Ağ Ev rəhbəri deyib ki, hər üç ölkə il ərzində silahlanmaya yüz milyardlarla dollar xərcləməsi mənasız işdir. 

Onun fikrincə, ABŞ, Çin və Rusiya silahlanmaq əvəzinə öz güclərini birləşdirib daha səmərəli fəaliyyət həyata keçirə bilər. Lyu He isə prezidentin bu təşəbbüsünü müsbət qarşıladığını açıqlayıb.