Tramp OPEK ölkələrini benzinin qiymətini aşağı salmağa çağırıb

Bakı. 5 iyul. REPORT.AZ/ ABŞ prezidenti Donald Tramp bəyan edib ki, OPEK ölkələri benzinin qiymətinin azaldılması üçün kifayət qədər səy göstərmirlər.

"Report" xəbər verir ki, bu barədə Amerika lideri özünün "Twitter" səhifəsində yazıb.

Ağ Ev rəhbəri bildirib ki, ABŞ hələlik müxtəlif üzv ölkələrin müdafiəsini təmin edir, qiymətlər artmaqda davam edir.

"Küçədə hərəkət ikitərəfli olmalıdır. Qiymətləri dərhal endirin!", - deyə o əlavə edib.

Tramp əvvəllər OPEK ölkələrinə neftin qiymətlərini aşağı saxlamağa çağırıb.