Tramp: “KXDR liderinin səhhəti barədə xəbərlər təsdiqlənməyib”

ABŞ prezidenti Donald Tramp bildirib ki, Şimali Koreya lideri Kim Çen Inın sağlamlıq vəziyyəti haqqında heç kim tərəfindən təsdiq olunmayıb.

Bu barədə “Report” RİA “Novosti”yə istinadən xəbər verir.

"Mən ona sağlamlığı arzulamaq istəyirəm, çünki əgər o xəbərlərdə deyildiyi kimi, belə vəziyyətdədirsə, bu, çox ciddidir", - Ağ Evdə keçirdiyi mətbuat konfransında Tramp deyib.

"Heç kəs onları (xəbərləri-red.) təsdiq etmədi... Nə vaxt ki, CNN xəbərlərlə çıxış edir, mən onlara çox da inanmıram", - Tramp əlavə edib.

O, Kim Çen Inla münasibətlərinin yaxşı olduğunu bir daha təkrarlayıb.