Tramp Kubaya qarşı ticarət embarqosunu bir il müddətinə uzadıb

Bakı. 9 sentyabr. REPORT.AZ/ ABŞ prezidenti Donald Tramp Kubaya qarşı ticarət embarqosunu bir il müddətinə uzadıb.

"Report" xəbər verir ki, bu barədə Ağ evin mətbuat xidmətinə istinadən RİA "Novosti" məlumat yayıb.

"Mən qərara gəldim ki, Kubaya qarşı embarqonun bir il müddətinə qüvvədə saxlanması Birləşmiş Ştatların milli maraqlarına uyğundur", — deyə Trampın memorandumunda bildirilir.

Bir il əvvəl sözügedən embarqonu Trampın xələfi Barak Obama uzatmışdı.