Tramp "Google"ni Çin ordusuna dəstək verməkdə ittiham edib

ABŞ prezidenti Donald Tramp bildirib ki, "Google" şirkəti Çin ordusunu dəstəkləyir.

"Report" "İzvestiya.ru"ya istinadən xəbər verir ki, bu barədə Tramp özünün "Twitter" səhifəsində yazıb.

"Google" ABŞ-a yox, Çinə və onun ordusuna kömək edir. Bu dəhşətdir!" - deyə Tramp bildirib.

ABŞ prezidenti bununla yanaşı, etirafını da gizlətməyib. "Ancaq o fakt "yaxşı xəbərdir" ki, "cığal" Hillari Klintonun prezident kampaniyası IT-nəhəngin köməyi ilə məğlubiyyətlə üzləşdi", - deyə Ağ Ev başçısı əlavə edib.

Daha əvvəl CNN-in siyasi analitiki Pol Beqala ABŞ prezidentinin qızı İvanka Trampvə onun həyat yoldaşı Cared Kuşneri "tarakan" adlandırıb.