Tramp FTB-ni iqamətgahından ələ keçirilən sənədləri geri qaytarmağa çağırıb

ABŞ-ın keçmiş prezidenti Donald Tramp Federal Təhqiqatlar Bürosunu (FTB) Mar-a-Laqo iqamətgahında axtarış zamanı ələ keçirilən sənədləri dərhal geri qaytarmağa çağırıb.

“Report” xəbər verir ki, bu barədə Tramp "Truth Social" sosial şəbəkəsində yazıb.

“İndicə məlum oldu ki, FTB indiki məşhur basqını zamanı vəkil-müştəri materiallarının qutularını (məxfi hüquqşünas-müştəri əməkdaşlığına dair), habelə icra orqanlarının götürməməli olduqları materiallarını götürüb. Mən xahiş edirəm ki, bu sənədlər dərhal geri qaytarılsın”-deyə, o bildirib.