Tramp administrasiyasında kadr dəyişiklikləri müzakirə olunur

Tramp administrasiyası Federal Təhqiqat Bürosunun direktoru Keş Patel, ordu katibi Daniel Driskol və əmək naziri Lori Çavez-Deremerin mümkün istefalarını müzakirə edir.

"Report" xəbər verir ki, bu barədə "The Atlantic" jurnalı məlumat yayıb.

Qeyd olunub ki, mümkün kadr dəyişiklikləri ilə bağlı müzakirələr artıq aparılır, lakin onların həyata keçirilmə vaxtı qeyri-müəyyən olaraq qalır.

Lakin ABŞ prezidenti Donald Tramp hələlik bu məsələ ilə bağlı yekun qərar verməyib.