Tramp: "ABŞ-ın güclü sərhədləri olmalıdır"

Bakı. 6 may. REPORT.AZ/ ABŞ prezidenti Donald Tramp bildirib ki, əgər ölkənin sərhədi yoxdursa, o, dövlət deyil.

"Report"un məlumatına görə, bu barədə "Fox News" xəbər verib.

"Demokratlar açıq sərhədlər istəyirlər. Bizim sərhədlərimiz olmalıdır. Əgər sizin sərhədiniz yoxdursa, ölkəniz yoxdur", - deyə ABŞ prezidenti bildirib.

O, həmçinin əlavə edib ki, ABŞ-ın sərhədyanı ərazisinin gücləndirilməsinə Kaliforniya hökumətinin mövqeyi mane olur.