Texasda yük maşını və iki məktəb avtobusu toqquşub, 30 nəfər xəsarət alıb

Bakı. 19 aprel. REPORT.AZ/ Birləşmiş Ştatların Texas ştatında iki məktəb avtobusu və yük maşınının toqquşması nəticəsində azı 30 nəfər, o cümlədən 25 şagird xəsarət alıb.

“Report” TASS-a istinadən xəbər verir ki, bu barədə ABC telekanalı məlumat yayıb.

Hadisə beşinci sinif şagirdləri Hyuston muzeyinə ekskursiyaya gedən zaman baş verib. Bu zaman yerli enerji şirkətinə məxsus yük maşını hərəkətdə olan avtobusa, o da öz növbəsində qarşıdakı digər məktəbli avtobusuna çırpılıb.