Təhlükəli “Qreys” qasırğası Meksikaya yaxınlaşır

Meksikaya doğru hərəkət edən “Qreys” tropik qasırğası daha da güclənərək Saffir-Simpson cədvəli üzrə üçüncü təhlükə kateqoriyasına çatıb.

“Report” TASS agentliyinə istinadən xəbər verir ki, bu barədə ABŞ-ın Qasırğalara Nəzarət üzrə Milli Mərkəzi məlumat yayıb.

Məlumata görə, “Qreys” qasırğası hazırda Halisko ştatının Tukspan şəhərinin 75 km-liyindədir. Qasırğa təxminən 4 m/s sürətlə hərəkət edir. Qasırğa hüdudlarında küləyin sürəti 54 m/s-yə çatır.

Qeyd edək ki, Atlantik okean bölgəsində qasırğa mövsümü iyunun əvvəlindən noyabrın sonunadək davam edir.