Tayvan sahillərində zəlzələ baş verib

Bakı. 11 fevral. REPORT.AZ/ Şənbə günü Tayvanın qərb sahilləri yaxınlığında 5,6 bal gücündə zəlzələ baş verib.

"Report" xəbər verir ki, bu barədə Tayvanın Mərkəzi Meteoroloji Bürosu məlumat yayıb.

Yeraltı təkanların episentri Taynan şəhərindən 11,2 km. cənub-qərbdə olub. Zəlzələnin ocağı yerin 18,4 km. dərinliyində qeydə alınıb.

Dağıntı və tələfat barədə məlumat yoxdur.