Tailandda koronavirusa yoluxanların sayı 200 nəfəri keçdi

Tailandda son sutka ərzində 35 yeni koronavirusa yoluxma halı qeydə alınıb.

“Report” TASS-a istinadən xəbər verir ki, bu barədə məlumatı krallığın Səhiyyə Nazirliyi yayıb.

Yoluxanların əksəriyyəti - 13 nəfər tay boksu üzrə görüşün keçirildiyi stadionda iştirak edənlərdir.

Daha əvvəl taylandlı aktyor Metyu Din Çanthavani “Instagram”da koronavirus testinin müsbət nəticələndiyini bildirmişdi. KİV-də yayılan məlumata görə, o, ray boksu üzrə görüşün aparıcısı olub.

Beləliklə, Tailandda yeni növ koronavirusa yoluxanların ümumi sayı 212 nəfərə çatıb, 42 nəfər sağalıb, 1 nəfər ölüb.