Suriyanın İdlib şəhərində avtomobil partladılıb

Bakı. 21 oktyabr. REPORT.AZ/ Bazar günü Suriyanın İdlib şəhərində partlayış baş verib.

“Report” TASS-a istinadən xəbər verir ki, bu barədə "Al Mayadeen" telekanalı məlumat yayıb.

Hadisə nəticəsində 4 nəfər ölüb, daha 10-u yaralanıb.

Telekanalın məlumatına görə, minalanmış avtomobil Əl-Qusur küçəsində partladılıb. Hadisənin başqa təfərrüatları məlum deyil.

Bundan əvvəl ABŞ-ın rəhbərlik etdiyi beynəlxalq koalisiya qüvvələri Suriyanın şərqindəki məscidlərdən birinə hava zərbəsi endirib.