Suriyada yaşayış məntəqəsi bombardman edilib, ölənlər və yaralananlar var

Suriyada yaşayış məntəqəsi bombardman edilib.

Bu barədə "Report" Türkiyə mətbuatına istinadən xəbər verir.

Məlumatda bildirilir ki, İdlib vilayətinin cənubundakı yaşayış məntəqələri hava hücumuna məruz qalıb. Nəticədə azı 9 nəfər həlak olub, daha 23 nəfər yaralanıb.

Yerli mənbələr bildiriblər ki, öldürülənlər arasında qadınlar və uşaqlar da var. Məlumata görə, ölənlərin sayı arta bilər. Buna səbəb regionda tibb avadanlıqlarının olmamasıdır.

Hücumun Bəşər Əsədə məxsus hərbi hava qüvvələri tərəfindən həyata keçirildiyi iddia edilir.