Suriyanın şimal-qərbindəki Afrin rayonunda törədilən terror aktında 9 nəfər həlak olub, daha 43 nəfər yaralanıb.
Bu barədə "Report" "Anadolu"ya istinadən xəbər verir.
Qeyd edilir ki, hadisə yerli vaxtla saat 18:00-da baş verib. Avtomobilə yerləşdirilmiş bomba partladılması nəticəsində ölənlərin və xəsarət alanların hamısı dinc sakinlərdir.
Təhlükəsizlik orqanları terrorçulardan təmizlənmiş bölgələrdə törədilən terror aktlarının PKK-nın Suriya qolu olan YPG tərəfindən təşkil edildiyini vurğulayıblar.