Suriyada 19 dinc sakin ölüb, 44 nəfər yaralanıb

Suriyada 19 dinc sakin ölüb, 44 nəfər yaralanıb Sakinlər Deyr-əz-Zorda gedən döyüşlər nəticəsində həlak olublar
Digər ölkələr
221
29 Yanvar , 2017 11:10
Suriyada 19 dinc sakin ölüb, 44 nəfər yaralanıb

Bakı. 29 yanvar. REPORT.AZ/ Suriyanın İŞİD terror qruplaşmasının mühasirəsində olan Deyr-əz-Zor şəhərində gedən döyüşlər nəticəsində onlarla dinc sakin ölüb və yaralanıb.

"Report" TASS-a istinadən xəbər verir ki, bu barədə BMT-nin Humanitar Məsələlərin Əlaqələndirilməsi İdarəsinin şənbə günü yaydığı hesabatında bildirilir.

Qeyd olunur ki, son günlər daha şiddətli döyüşlər Əl-Ommal və Ər-Rasafa məhəllələrində, Əl-Baqliyə rayonunda, həmçinin Deyr-əz-Zor aviabazasından qərbdə gedib və onlarla dinc sakinin həlak olmasına və yaralanmasına gətirib çıxarıb.

"Mühasirədə olan şəhərin həkimləri 15-23 yanvar tarixlərində minaatanlardan endirilən zərbələr nəticəsində dinc sakinlər arasında 19 nəfərin öldüyünü, 44 nəfərin yaralandığını məlumat veriblər", - deyə İdarənin məlumatında qeyd olunur.

Son xəbərlər

Orphus sistemi