Suriya ordusu Palmira yaxınlığındakı iri qaz yatağını azad edib

Bakı. 28 aprel. REPORT.AZ/ Suriya ordusu cümə axşamı könüllülərin dəstəyi ilə Palmira şəhərinin şimal-qərbində yerləşən Şaer qaz sahəsini öz nəzarəti altına keçirib.

"Report" xəbər verir ki, bu barədə "Al-Watan" qəzeti yazıb.

Məlumata görə, hökumət qüvvələri ölkənin bu iri qaz yatağını İŞİD terrorçularını ətrafdakı yüksəkliklərdən sıxışdıraraq çıxartdıqdan sonra azad edə biliblər.