​Suriya aviasiyası İŞİD-in mövqelərini bombardıman edib

Bakı. 10 Avqust. REPORT.AZ/ Suriya Ərəb Respublikasının Hərbi Hava Qüvvələri Homs əyalətində “İraq-Şam İslam Dövləti” terror qruplaşması üzvlərinin mövqelərinə zərbə endirib.

“Report” xəbər verir ki, nəticədə ən azı 30 silahlı məhv edilib.

SANA agentliyinin məlumatına görə, hava əməliyyatı Homs şəhərindən 85 km aralıda, Əl-Kariaten şəhərində həyata keçirilib. Mənbələrin məlumatına görə, öldürülən terrorçuların əksəriyyəti Səudiyyə Ərəbistanı və Tunisdən gələn döyüşçülərdir.

"Ən azı 30 silahlı öldürülüb. Onların əksəriyyəti Səudiyyə Ərəbistanı və Tunis vətəndaşlarıdırlar. Öldürülənlər arasında terrorçuların Səudiyyə mənşəli Əbu-Hacər və Əbu-Abdulla ləqəbli iki lideri də var", – deyə agentliyin məlumatında bildirilir.

Suriya təyyarələri tərəfindən, həmçinin silah anbarları və iriçaplı pulemyotlarla təchiz edilmiş 7 ədəd avtomobil məhv edilib.