Sudan ordusu Xartumda xüsusi təyinatlılara qarşı əməliyyat keçirib

Sudan ordusunun bölmələri Xartum və Omdurmanda çevik reaksiya qüvvələrinin dəstələrinə qarşı xüsusi əməliyyatlar keçirib.

"Report" TASS-a istinadən xəbər verir ki, bu barədə Sudan silahlı qüvvələrinin nümayəndəsi bildirib.

Məlumata görə, əməliyyat zamanı çevik reaksiya qüvvələrinin bir neçə zirehli texnikası məhv edilib.

Ordu bölmələri Xartumun bir neçə rayonunda da xüsusi təyinatlıların mövqelərinə və obyektlərinə zərbələr endirib.

Qeyd edək ki, iyunun 21-i tərəflər arasında üçgünlük atəşkəs başa çatıb.

Son iki ay ərzində Sudan münaqişəsinin tərəfləri ondan çox atəşkəs elan etsə də, onların heç birinə tam əməl olunmayıb.