Bakı. 29 oktyabr. REPORT.AZ/ NATO-nun baş katibi Yens Stoltenberq Şimali Koreyanın raket silahlarının yaratdığı mümkün təhlükəni şərh edib.
“Report” RİA "Novosti"yə istinadən xəbər verir ki, o, NATO ölkələrinin də təhlükə altında olduğunu deyib.
"NATO ölkələri də təhlükə altındadır. NATO əks-zərbə vurmaq imkanlarına və qətiyyətinə malikdir", — deyə Stoltenberq bildirib.
Alyansın baş katibi qeyd edib ki, KXDR-ə təzyiq vasitələrini unutmaq olmaz. O, xüsusilə, Şimali Koreyaya qarşı iqtisadi sanksiyalara riayət etməyin vacib olduğunu xatırladıb.