​Şri-Lankada daşqınlar nəticəsində 39 nəfər həlak olub

Bakı. 2 yanvar. REPORT.AZ/ Şri-Lankada daşqınlar və sürüşmələr nəticəsində 39 nəfər həlak olub, bir milyondan çox insan öz evini tərk etmək məcburiyyətində qalıb.

"Report" xəbər verir ki, son iki həftəyə olan məlumatı Təbii Fəlakətlərin Aradan Qaldırılması Mərkəzi təqdim edib.

Təbii fəlakət nəticəsində 20 nəfər xəsarət alıb, iki nəfər itkin düşmüş hesab olunur.

Dekabrın 19-dan ölkənin şimal və cənub hissələrinə leysan yağışlar yağmağa başlayıb.